ଜମିଲା ହରିରାଜପୁର ପଞ୍ଚୁଦୋଳ ମେଳଣ-ଆତସବାଜି ରେ କମ୍ପିଲା ପଡ଼ିଆ

ଡେଲାଙ୍ଗ : ୩୦.୩.୨୪ ରିପୋର୍ଟ – ସିଂହାରୀ ଆଲୋକ ଖୁଣ୍ଟିଆ – ଓଡିଶା ପ୍ରସିଦ୍ଧ ହରିରାଜପୁର ପଞ୍ଚୁଦୋଳ ମେଳଣ ଶନିବାର ବିଳମ୍ବିତ ରାତ୍ରରୁ ଜମାଣ ହୋଇଛି । ପିପିଲି – ଜଟଣୀ ରାସ୍ତାର, ପିପିଲି ଠାରୁ ୧୦ କି.ମି., ଜଟଣୀ ଠାରୁ ୪ କି.ମି. ଓ ଭୁବନେଶ୍ୱର ଠାରୁ କପିଳପ୍ରସାଦ ରାସ୍ତାରେ ଜଟଣି ଅଭିମୁଖେ ୧୫ କି.ମି.ଦୂରରେ ୮୦ ଏକର ବିଶିଷ୍ଟ ଏହି ପ୍ରସିଦ୍ଧ ମେଳଣ ପଡିଆ ଅବସ୍ଥିତ।

ଶୁଣିବାକୁମିଳେ, ଗଜପତି ନରସିଂହ ଦେବଙ୍କ ଶାସନ ସମୟରେ ୧୬୩୭ ଖ୍ରୀଷ୍ଟାବ୍ଦ ସମୟରୁ ଏହି ଐତିହାସିକ ମେଳଣ ଅନୁଷ୍ଠିତ ହୋଇ ଆସୁଅଛି ।ମନ୍ଦିରରେ ସମସ୍ତ ଦେବନୀତି ସମାପନ ପରେ ଆରଧ୍ୟ ଦେବତା ଶ୍ରୀ ପଶ୍ଚିମାସମ୍ଭୁ ସୋମନାଥ ଦେବ ସୁସଜ୍ଜିତ ବିମାନରେ ମେଳଣ ଅଭିମୁଖେ ବାହାରିଥିଲେ । ପ୍ରଭୁ, ଭକ୍ତ ଓ ଶ୍ରଦ୍ଧାଳୁଙ୍କ ଗହଣରେ ମେଳଣ ପଡିଆକୁ ବିଜେ କରିବାର ଦୃଶ୍ୟ ଅତି ମାନମୁଗ୍ଧକର ଥିଲା। ସୁନ୍ଦର ଆଲୋକସଜ୍ଜା, ଚିତାକର୍ଷକ ଆତସବାଜୀ ପ୍ରଦର୍ଶନ, ଭଜନ ,କୀର୍ତନ, ଘଂଟଘଂଟି , ତୁରୀ, ଶଙ୍ଖ ନାଦ, ସଖିନୃତ୍ୟ, ପ୍ରଭୃତି ଶୋଭାଯାତ୍ରା ଏହି ମେଳଣରେ ଦେଖିବାକୁ ମିଳିଥିଲା ।

କୌଶଳର, ବାଣ ପ୍ରସ୍ତୁତକାରୀ ଆତାସବାଜି ପ୍ରଦର୍ଶନ ରେ ଦର୍ଶକ ଙ୍କ ମନମୋହିଥିଲେ । ମେଳଣ ପଡିଆ ଭିତରେ ବିଭିନ୍ନ ସଂଗଠନ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା । ଓଡ଼ିଆ ପରିବାର ସାମାଜିକ ଅନୁଷ୍ଠାନ ତରଫରୁ ଆୟୋଜିତ ହରିରାଜପୁର ମହୋତ୍ସବ କୁ ଅତିଥି ରୁଦ୍ର ପ୍ରତାପ ମହାରଥୀ, ଅରୁପ ପଟ୍ଟନାୟକ, ମନ୍ମଥ ରାଉତରାୟ ପ୍ରମୁଖ ଯୋଗଦେଇ ଉଦ୍ଘାଟନ କରିବା ସହିତ ଆମ ଓଡିଆ ପରମ୍ପରା ଅନୁଯାୟୀ ଉତ୍ସବ ବିଷୟରେ ଉଦବୋଧନ ଦେଇଥିଲେ । ପରେ ପରେ ପାଇକ ଆଖଡ଼ା ଏବଂ ସିଂହାରୀ ଏଣ୍ଟରଟେନମେଣ୍ଟର ମେଲୋଡି ନାଇଟ୍ କାର୍ଯ୍ୟକ୍ରମ ଦର୍ଶକ ମାନେ ଭରପୁର ଉପଭୋଗ କରିଥିଲେ।

ମେଳଣରେ ଲକ୍ଷାଧିକ ଲୋକଙ୍କ ସୁବିଧା ନିମନ୍ତେ ଅଗ୍ନିଶମ ସେବା, ପାନୀୟ ଜଳଯୋଗାଣ ବ୍ୟବସ୍ଥା, ସୂଚନା କେନ୍ଦ୍ର ଓ ଅସ୍ଥାୟୀ ସ୍ୱାସ୍ଥ୍ୟସେବା ସହିତ ଜରୁରୀକାଳୀନ ପାଇଁ ଆମ୍ବୁଲାନ୍ସର ସୁବିଧା କରାଯାଇଥିଲା । ମେଳଣରେ ଶାନ୍ତିଶୃଙ୍ଖଳା ରକ୍ଷା କରିବା ପାଇଁ କେତକ ଯୁବକ ମାନଙ୍କୁ ନେଇ ଏକ ସ୍ୱତନ୍ତ୍ର କମିଟି ଗଠନ କରାଯାଇଥିବାବେଳେ ଅସମାଜିକ ଯୁବକ ମାନଙ୍କ ପ୍ରତି ନଜର ରଖିବା ସହ ଅସୁବିଧା କିମ୍ବା ହଜିଯାଉଥିବା ବ୍ୟକ୍ତି ମାନଙ୍କୁ ଉଦ୍ଧାର କରିବା ପାଇଁ କମିଟି ସଂପୁର୍ଣ୍ଣ ଭାବରେ ପ୍ରଶାସନକୁ ସହଯୋଗ କରିବାକୁ ନିଷ୍ପତି ନେଇଥିଲେ। ମେଳଣରେ ବିଭିନ୍ନ ଜିଲାରୁ ପ୍ରାୟ ୫ରୁ ୭ ଲକ୍ଷ ଶ୍ରଦ୍ଧାଳୁଙ୍କ ଭିଡ ପରିଲକ୍ଷିତ ହୋଇଥିବା ସୂଚନା ମିଳିଛି।