ସତ୍ୟବାଦୀ ସୃଜନୀକାର ଶୁଭ ଉନ୍ମୋଚନ

ସତ୍ୟବାଦୀ: /୧/୪/୨୦୨୪ (ଶାଶ୍ଵତ ଟିଭି ) “ଉତ୍କଳଦିବସ” ରେ ସତ୍ୟବାଦୀ , ବକୁଳବନ ପଂଚସଖା ସମାଧିପୀଠଠାରେ “ସତ୍ୟବାଦୀ ସାହିତ୍ୟ ସୃଜନୀ ପରିଷଦ “ ଦ୍ବାରା ସତ୍ୟବାଦୀ ସୃଜନିକାର ଉପାଦେୟତା , ଲକ୍ଷ୍ୟ ଉଦ୍ଦେଶ୍ୟ ଓ ପରପିଢିଉପରେ ପ୍ରଭାବ “ ଆଲୋଚନାଚକ୍ର ଆୟୋଜିତ ହୋଇଯାଇଛି । ସ୍ଥାନୀୟ ଶିକ୍ଷାବିଦ୍ , ବୁଦ୍ଧିଜୀବି ଓ ଗଣ୍ୟମାନ୍ୟ ବ୍ୟକ୍ତିମାନଂକୁନେଇ ଗଠିତ ଏହି ପରିଷଦ , ନିଜର ସୁଚିନ୍ତିତ ଚିନ୍ତାଧାରକୁ ଗ୍ରହଣକରି ସତ୍ୟବାଦୀର ପଂଚସଖା , ମହାନ୍ ବ୍ୟକ୍ତିତ୍ବ , ବନବିଦ୍ୟାଳୟ , ବକୁଳବନ , ସିଦ୍ଧ ବଳରାମ , ରତ୍ନଚିରା , ଗୁପ୍ତବୃନ୍ଦାବନ ଓ ସର୍ବୋପରି ରାଧାକୃଷ୍ଣଂକର ଅପୂର୍ବ ମିଳନକୁ କଲମମୁନରେ ରୁଦ୍ଧିମନ୍ତକରି ପ୍ରାଧ୍ୟାପକ ଡ. ବସନ୍ତ କୁମାର ରଥଂକ ସମ୍ପାଦନାରେ “ ସତ୍ୟବାଦୀ ସୃଜନିକା” ନାମକ ଏକ ଷଡ୍ ମାସିକ ପତ୍ରିକାର ଶୁଭ ଉନ୍ମୋଚନ କରିଥିଲେ । ଉପସ୍ଥିତ ସମସ୍ତ ସଦସ୍ୟମାନଂକ ମଧ୍ୟରେ ଷଡ ମାସିକ ପତ୍ରିକା “ ସତ୍ୟବାଦୀ ସୃଜନିକା” ଲୋକାର୍ପଣ କରାଯାଇଥିଲା ।

ପ୍ରତ୍ୟେକବର୍ଷ ୧/୪ ଉତ୍କଳ ଦିବସ ଓ ୯/୧୦ ଗୋପବନ୍ଧୁ ଜୟନ୍ତୀରେ ଦୁଇଗୋଟି ଷଡ୍ ମାସିକ ପତ୍ରିକା ଆତ୍ମପ୍ରକାଶ କରିବ ବୋଲି ସମ୍ପାଦକ ଡ. ରଥ ମତବ୍ୟକ୍ତ କରନ୍ତି। ଉକ୍ତ ଆଲୋଚନା ଚକ୍ର ଓ ପତ୍ରିକା ଉନ୍ମୋଚନରେ ଆୟିନଜୀବି ଶ୍ରୀଯୁକ୍ତ ଉମାବଲ୍ଲବ ମହାପାତ୍ର , ପ୍ରାଧାପକ ବୃନ୍ଦାବନ ଚନ୍ଦ୍ର ରଥ, ପ୍ରାକ୍ତନ କେନ୍ଦ୍ରିୟ ଓଡିଆ ଭାଷା ସାହିତ୍ୟର ସମ୍ପାଦକ ମାନସ ରଂଜନ ମହାପାତ୍ର , ଶିଶୁ ସାହିତ୍ୟିକ ବୀରେନ୍ଦ୍ର ମହାନ୍ତି, ପ୍ରାଧ୍ୟାପକ ଅଭମନ୍ୟୁ ବରାଳ, ଅନାମ ମଲ୍ଲିକ, ବିଜୟ ମିଶ୍ର , ପ୍ରଣବ ମିଶ୍ର ,ପ୍ରାଧ୍ୟାପିକା ସୁଲେଖିକା ବାସନ୍ତୀ ଦେବୀ, ଡ. ଦେବପ୍ରସାଦ ଦାଶ୍ ,ପ୍ରାଧ୍ୟାପକ ଅଜୟ ଦାଶ, ପ୍ରାଧ୍ୟାପିକା ସୁନନ୍ଦା ତ୍ରିପାଠୀ, ଶ୍ରୀମତି ବସନ୍ତ ମଂଜରୀ ମିଶ୍ର , ସୁଜାତା ଦେବୀ ,ବିଶାଖାଦେବୀ , ସୁନନ୍ଦା ମହାନ୍ତି, ବନ୍ଦନା ମହାପାତ୍ର, ଅର୍ଚ୍ଚନା ଦାଶ, ଆୟିନଜୀବି ଗୁଣ୍ଡିଚା ବରାଳ, ବନ୍ଦନା ସାହିତ୍ୟର ସମ୍ପାଦକ ତଥା ଉକ୍ତ ପତ୍ରିକାର ସହ ସମ୍ପାଦକ ରବୀନ୍ଦ୍ର ନାଥ ଷଢଙ୍ଗି ଓ ଅଭୟ ପ୍ରଧାନଙ୍କ ସହିତ ପୁରୀ, ପିପିଲି, ଡେଲାଙ୍ଗ, ଭୂବନେଶ୍ଵର ର ତଥା ସତ୍ୟବାଦୀ ଅଂଚଳର ବହୁ ପ୍ରାବନ୍ଧିକ, କବି ଓ ଲେଖକ ନିଜନିଜର ବହୁମୂଲ୍ୟ ମତାମତଦେଇ କାର୍ଯ୍ୟକ୍ରମର ସଫଳ ରୂପାୟନରେ ସହଯୋଗ କରିଥିଲେ ।ଆଗାମୀଦିନର କାର୍ଯ୍ୟକ୍ରମ ବିଷୟରେ ସାମାନ୍ୟ ଆଲୋଚନାପରେ ରାଜକିଶୋର ପତିଙ୍କ ଦ୍ବାରା ଧନ୍ୟବାଦ ଅର୍ପଣ କରାଯାଇ କାର୍ଯ୍ୟକ୍ରମର ଆଶୁ ମଙ୍ଗଳ କାମନା କରାଯାଇଥିଲା।