ସ୍ଵତନ୍ତ୍ର ଉତ୍କଳପ୍ରଦେଶ ଗଠନରେ ସତ୍ୟବାଦୀ ର ରହିଛି ଅନେକ ଭୂମିକା

ସାକ୍ଷୀଗୋପାଳ: ୧.୪.୨୪ (ଶାଶ୍ଵତ ଟିଭି) ଆଜି ସତ୍ୟବାଦୀ ର ସାମାଜିକ ଅନୁଷ୍ଠାନ ମିଶନ ସତ୍ୟବାଦୀ ତରଫରୁ ପାଳିତ ହୋଇଯାଇଛି ୮୮ ତମ ଉତ୍କଳ ଦିବସ ସମାରୋହ। ସାକ୍ଷୀଗୋପାଳ ବସଷ୍ଟାଣ୍ଡ ନିକଟସ୍ଥ ସେଣ୍ଟ ଜାଭିୟର୍ସ ହାଇ୍କୁଲଠାରେ ପାଳିତ ହୋଇଥିବା ଏହି ଉତ୍ସବରେ ସ୍ଵତନ୍ତ୍ର ଉତ୍କଳ ପ୍ରଦେଶ ଗଠନରେ ସତ୍ୟବାଦୀ ର ଭୂମିକା ସମ୍ପର୍କରେ ଆଲୋଚନା କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ପ୍ରଫେସର ଡକ୍ଟର୍ ଅଭିମନ୍ୟୁ ବରାଳ ମୁଖ୍ୟଅତିଥି , ସମ୍ମାନିତ ଅତିଥି ଭାବରେ ପ୍ରଫେସର ଡକ୍ଟର ବୃନ୍ଦାବନ ରଥ ମୁଖ୍ୟ ବକ୍ତା ଡକ୍ଟର ରଶ୍ମିରଞ୍ଜନ ମହାପାତ୍ର ଯୋଗ ଦେଇଥିଲେ| କାର୍ଯ୍ୟକ୍ରମରେ ସଭାପତି ଶ୍ରୀଯୁକ୍ତ ସତ୍ୟବାଦୀ ଦାଶ ଅଧ୍ୟକ୍ଷତା କରିଥିଲେ।

ଉପସ୍ଥିତ ଅତିଥି ଭାବରେ ଦେବଦତ୍ତ ସାମନ୍ତରାୟ , ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ଦୀପିକା ସାମନ୍ତରାୟ ପ୍ରମୁଖ ଯୋଗଦାନ କରି ପ୍ରଥମେ ବସଷ୍ଟାଣ୍ଡ ସ୍ଥିତ ପଞ୍ଚସଖାଙ୍କ ପ୍ରତିମୂର୍ତ୍ତି ଓ ପଞ୍ଚସଖା ଙ୍କ ସମାଧି ପୀଠରେ ମାଲ୍ୟାର୍ପଣ କରାଯାଇଥିଲା । ଡକ୍ଟର ବରାଳ ସତ୍ୟବାଦୀ ର ଇତିହାସ ଅବଦାନ ସହ ଭାଷାଭିତ୍ତିକ ରାଜ୍ୟର ମହତ୍ତ୍ଵ ସମ୍ପର୍କରେ ଆଲୋକପାତ କରିଥିଲେ। ଓଡ଼ିଆ ଙ୍କପୂର୍ବ ଗୌରବ ଫେରେଇ ଆଣିବାକୁ ଅଣ୍ଟା ଭିଡ଼ି ବାକୁ ଡକ୍ଟର ମହାପାତ୍ର ଆହ୍ବାନ ଦେଇଥିଲେ। ଡକ୍ଟର ରଥ ବିଚ୍ଛିନ୍ନାଞ୍ଚଳ ର ଏକତ୍ରି କରଣ ପାଇଁ ସତ୍ୟବାଦୀ ରୁ ସଂଗ୍ରାମ ଆରମ୍ଭ କରିବାକୁ ମତ ରଖିଥିଲେ।ସତ୍ୟବାଦୀ ରେ ଓଡ଼ିଆ ଭାଷା ସମ୍ମିଳନୀ ଓ ପଞ୍ଚସଖା ଙ୍କ ଉଦ୍ଦେଶ୍ୟରେ ବିଶ୍ଵ ସ୍ତରୀୟ ଆଲୋଚନା ଚକ୍ର ର ଆୟୋଜନ କରାଯିବା ପାଇଁ ଶ୍ରୀଯୁକ୍ତ ସତ୍ୟବାଦୀ ଦାଶ ପ୍ରତିଶ୍ରୁତି ଦେଇଥିଲେ । ଓଡ଼ିଆ ଭାଷାର ପ୍ରଚାର ପ୍ରସାର ଓ ଶିକ୍ଷା ର ଆବଶ୍ୟକତା ସମ୍ପର୍କରେ ଦେବଦତ୍ତ ସାମନ୍ତରାୟ ମତ ରଖିଥିଲେ।

ଅନୁଷ୍ଠାନ ର ସଦସ୍ୟ ନବଘନ ଶତପଥୀ, ବିଜୟ ପରିଡା ,ରବୀନ୍ଦ୍ର ନାଥ ଷଡ଼ଙ୍ଗୀ, ନିହାର ରଞ୍ଜନ ସ୍ବାଇଁ , ଉପେନ୍ଦ୍ର ବିଶ୍ଵାଳ , ଦେବାଶିଷ ମିଶ୍ର ,ସୁଶାନ୍ତ କୁମାର ରଥ,ବସନ୍ତ ହୋତା, ସନ୍ତୋଷ କୁମାର ସାହୁ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ , ଛାତ୍ରଛାତ୍ରୀ କାର୍ଯ୍ୟକ୍ରମରେ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ।ତପସ୍ଵିନୀ ଦାଶ ସଭା ପରିଚାଳନା କରିଥିଲେ।