ପୁରୀରେ ପାଳନ ହେବ ଆଦ୍ୟ ଜଗତଗୁରୁ ରାମାନୁଜାଚାର୍ଯ୍ୟ ଙ୍କ ୧00୮ତମ ରାଷ୍ଟ୍ରୀୟ ସ୍ତରୀୟ ଜୟନ୍ତୀ

ପୁରୀ: ୦୩/୦୪/୨୦୨୫- ନି:ପ୍ର. ଶ୍ରୀରାମଚନ୍ଦ୍ର ସ୍ୱାମୀ ଚାରିଟେବୁଲ ଟ୍ରଷ୍ଟ ଅଧ୍ୟକ୍ଷ ତଥା ଜିୟର ସ୍ୱାମୀ ମଠ ମହନ୍ତ ଇନ୍ଦିରା ରମଣ ରାମାନୁଜ ଦାସ ଙ୍କ ମାର୍ଗ ଦର୍ଶନରେ ପୁରୀ ବାଲିସାହି ସ୍ଥିତ ଜିୟର ସ୍ୱାମୀ ମଠ ପରିସରରେ ମେ ୨ ରେ ଆୟୋଜିତ ହେବାକୁ ଥିବା ଆଦ୍ୟ ଜଗତଗୁରୁ ରାମାନୁଜଚାର୍ଯ୍ୟ ଙ୍କ ଜୟନ୍ତୀ ପ୍ରଥମ ପ୍ରସ୍ତୁତି ବୈଠକ ଟ୍ରଷ୍ଟର ସଦସ୍ୟ ତଥା କଟକୀ ମଠ ମହନ୍ତ ଡ଼ ବିଜୟ ନାରାୟଣ ରାମାନୁଜ ଦାସଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା |ଏଥିରେ ଉତ୍ତର ପାର୍ଶ୍ୱ ମଠର ମହନ୍ତ ନାରାୟଣ ରାମାନୁଜ ଦାସ, ଗୌରବିହାର ଆଶ୍ରମ ର ସଭାପତି ମହନ୍ତ ସୁବଳ ଚରଣ ଦାସ, ଟ୍ରଷ୍ଟର ସଦସ୍ୟ ସୁଦର୍ଶନ ରାମାନୁଜ ଦାସ, ସୁରେଶ ଶର୍ମା, ମହିପ୍ରକାଶ ମଠ ମହନ୍ତ ଶୁଭାନନ୍ଦ ପୁରୀ,ଶିକ୍ଷାବିତ ପ୍ରଫେସର ପ୍ୟାରୀମୋହନ ପଟ୍ଟନାୟକ,କବି ବଦ୍ରି ମିଶ୍ର, ଉତ୍କଳ ବିଦ୍ୱତ ପରିଷଦ ର ଅଧ୍ୟକ୍ଷ ମନୋଜ ରଥ, ସମାଜ ସେଵୀ ଜିତେନ୍ଦ୍ର ମହାପାତ୍ର, ବରିଷ୍ଠ ସାମ୍ବାଦିକ ବିଷ୍ଣୁଦତ୍ତ ଦାସ ଏହି ବୈଠକରେ ଅଂଶ ଗ୍ରହଣ କରିଥିଲେ | ମେ ୨ ତାରିଖ ଦିନ ଲୋକନାଥ ମନ୍ଦିର ନିକଟସ୍ଥ ବାଲାଜୀ ମନ୍ଦିର ପରିସରରେ ଆଧ୍ୟାତ୍ମିକ ସଭା ଆୟୋଜିତ ହେବା ସହିତ ଜିୟର ସ୍ୱାମୀ ମଠରୁ ଜଗତଗୁରୁ ରାମାନୁଜଚାର୍ଯ୍ୟ ଙ୍କ ଭବ୍ୟ ଆଧ୍ୟାତ୍ମିକ ଶୋଭାଯାତ୍ରା ବାହାରି ନଗର ପରିକ୍ରମା କରିବେ | ଏହି କାର୍ଯ୍ୟକ୍ରମ ରେ ଭାରତ ବର୍ଷର ବିଭିନ୍ନ ରାଜ୍ୟରୁ ସାଧୁ, ସନ୍ଥ, ମହନ୍ତ ଙ୍କ ଆଗମନ ର କାର୍ଯ୍ୟକ୍ରମ ରହିଥିବା ବେଳେ ବିହାର ବକ୍ସର ରୁ ଜଗତଗୁରୁ ଲକ୍ଷ୍ମୀ ପପନ୍ନା ଜିୟର ଶ୍ରୀଦଣ୍ଡି ସ୍ୱାମୀ ପଦାର୍ପଣ କରିବେ ବୋଲି ସଭାପତି ଡ଼ା ବିଜୟ ନାରାୟଣ ରାମାନୁଜ ଦାସ ସୂଚନା ପ୍ରଦାନ କରିଛନ୍ତି |